नेभिगेशन
समाज विविध

मोरङका भाउन्नेमा कुकुरले टोक्दा कृष्णबहादुरको मृत्यु

बिराटनगर– मोरङको बेलबारी नगरपालिका–१० भाउन्नेमा कुकुरले टोकेर एक जना बृद्धको मृत्यु भएको छ।

मोरङको बेलबारी नगरपालिका–१० भाउन्नेमा छाडा कुकुरले टोक्दा मोरङको मिक्लाजुङ गाउँपालिका–६ मगर टोलका अन्दाजी ६२ वर्षीय गौडे भनिने कृष्णबहादुर मगरको मृत्यु भएको हो।

स्थानीयका अनुसार मगरलाई बिहीबार बिहान ९ बजे कुकुरले टोकेको थियो। दायाँ खुट्टाको पिँडुलामा कुकुरले टोकेपछि उनी सडकमा ढलेका थिए।

सडकबाट स्थानीयले उद्दार गरी नगर अस्पताल बेलबारी लगेका थिए।

बेलबारीमा उपचार सम्भव नभएपछि थप उपचारका लागि विराटनगरको कोशी अस्पताल पठाइएको थियो। अस्पतालमा लैजानासाथ उनलाई मृत घोषणा गरियो। 

कुकुरले टोकेको चोटबाट अत्यधिक रक्तश्राव भएका कारण मगरको मृत्यु भएको चिकित्सकले बताएका छन्।
 

प्रकाशित मिति:
प्रतिक्रिया दिनुहोस्
लोकप्रीय
थप समाज विविध