भारतको पश्चिम बंगाल छिरे दुर्गा प्रसाईं! बागडोरा विमानस्थलबाट नयाँ दिल्ली पुग्न सक्छन्
काठमाडौं– चैत १५ गते काठमाडौंको तीनकुनेमा भएको राजावादी आन्दोलनका जनकमान्डर तोकिएका व्यावसायी दुर्गा प्रसाईं भारतको पश्चिम बंगाल छिरेको प्रारम्भिक सूचना क्यानडा नेपालले पाएको छ।
प्रहरीको अनुसन्धानले पनि सोही कोणबाट विश्लेषण गरी खोजी कार्य तिव्र बनाएको छ।
प्रहरीको उपत्यका अपराध अनुसन्धान कार्यालय प्रसाईंको खोजीमा जुटेको थियो। अब यो जिम्मेवारी प्रहरीको प्रतिआतंकवाद हेर्ने विशेष ब्यूरोले पाएको छ।
प्रसाई झापाको विर्तामोडस्थित आफ्नो बीएन्डसी अस्पतालमा प्रवेश गरी पूर्वी नाका काकडभिट्टा हुँदै भारतको पश्चिम बंगाल छिरेको र त्यहाँको बागडोरा विमानस्थल हुँदै नयाँ दिल्लीसम्म पुग्न सक्ने बताइएको छ।
केही समयअघि उनी भारतमा पुगी उच्च तहका हिन्दूवादी नेतालाई भेट गरी फर्किएको बताइएको थियो।
प्रसाईंले आफ्नो मोबाइल काठमाडौंको गैरीगाउँमै स्वीचअफ गरिसकेका थिए। त्यही बीचमा प्रसाईंले आफूलाई पक्राउ गर्ने सूचना पाएको भन्दै साँझ ६ः४५ मा फेसबुकमा स्ट्याटस लेखेका थिए, ‘मलाई पक्राउ गर्न प्रहरी आइरहन पर्दैन, जहाँ बोलाउँछौ, त्यहीँ आउँछु।’
त्यतिञ्जेल उनी घरतिर जाने बाटोमा थिए। प्रसाईं चढेको स्कर्पियोको अघिल्लो सिटमा गाडी धनी मुकुन्द दाहाल थिए भने चालक ईश्वर विक थिए। दुवै जनालाई प्रहरीले पक्राउ गरिसकेको छ। पछाडिपट्टी दुर्गा प्रसाईं र उनका सुरक्षागार्ड दिपक खड्का बसेका थिए।
प्रसाईंले आइतबार दिउँसो १ः१२ बजे छापामार शैलीमा एउटा भिडिओ सन्देश समेत सार्वजनिक गरेका थिए, त्यसमा उनले आफू काठमाडौंकै एक मन्दिरमा रहेको दाबी गरेका थिए।
प्रसाईं चढेको गाडीमा ६ जना रहेको प्रहरीको अनुमान गरेको छ।
म्याद नाघेको अश्रुग्यास प्रहार नभएको आइजीपी थापाको दावी
खरेलको अचम्मको अपराधिक आदतः होक्स राखेर बम भनी म्यासेज गर्छन्, यस्तो छ कथा
चैत १५ राजावादी आन्दोलनः गृहमन्त्री लेखकको पार्टी नै छानबिन आयोगको पक्षमा उभियो
चैत १५ को राजावादी आन्दोलनः ३ डीएसपी, ५ इन्स्पेक्टरसहित कति सुरक्षाकर्मी भए घाइते?
राजावादी आन्दोलनमा ब्यापक दमनमा प्रहरीले एसएलआर, इन्सास, पेस्तोल प्रयोग गरेको गोप्य प्रतिवेदन
तीनकुने क्षेत्रमा आगजनी तोडफोड गर्ने थप ७ जना पक्राउ
प्रहरीले भन्यो- दुर्गा प्रसाईँलाई खोजिरहेका छौँ
