भारतीय समकक्षी मोदीसँगको भेटपछि प्रधानमन्त्री ओलीको प्रतिक्रिया- भेटवार्ता सार्थक र सकारात्मक
काठमाडौं- प्रधानमन्त्री केपी शर्मा ओलीले भारतीय समकक्षी नरेन्द्र मोदीसँगको भेटवार्ता सार्थक र सकारात्मक भएको बताएका छन् ।
ओली–मोदीबीच आज (शुक्रबार) बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को छैटौँ शिखर सम्मेलनपछि साइडलाइन वार्ता भएको थियो ।
भेटवार्तापछि प्रधानमन्त्री ओलीले मोदीसँग आत्मीय र सौहार्दपूर्ण भेट भएको बताएका छन् । उक्त भेटवार्तालाई ओलीले ‘आत्मीय भेटवार्ता’ को संज्ञा दिँदै खुसी व्यक्त गरेका छन् ।
‘‘मेरा प्रिय मित्र, प्रधानमन्त्री श्री नरेन्द्र मोदीजीसँग आत्मीय र सौहार्दपूर्ण भेट भयो। हाम्रो वार्ता अत्यन्त सार्थक र सकारात्मक रह्यो। यस आत्मीय भेटवार्ताप्रति म खुसी व्यक्त गर्दछु,’– सामाजिक सञ्जाल एक्स (ट्विटर) मार्फत प्रधानमन्त्री ओलीले भनेका छन् ।
थाइल्यान्डको बैंककस्थित होटल माडारिन ओरियन्टलमा प्रधानमन्त्री ओली र भारतीय प्रधानमन्त्री मोदीबीच करिब ४५ मिनेट भेटवार्ता भएको बताइएको छ ।
मानव अधिकार आयोगले भन्यो- नवराज सुवेदीलाई बिनापूर्जी घरमा प्रहरी निगरानीमा राखेको पाइयो
छविलाल जोशीलाई थुनामा पठाउने आदेश
जाजरकोटमा ३ मिनेटको अन्तरमा लगातार दुई दुईवटा भूकम्प
सरकारले बोलाएको वार्तामा शिक्षकहरु नगएपछि सरकारले गर्यो पुनः आह्वान
अख्तियारमा उजुरीका चाङ, ८ महिनामा ९११ वटा उजुरी
एकीकृत र दिगो खानेपानी योजनाहरूको विकासमा ठोस पाइला चालिने छ : मन्त्री यादव
तीनकुने घटनामा घाइते भएकी रेबिका खत्रीले पढ्न चाहे जति तहको खर्च र रोजगारी सुनिश्चित गर्न माग
