बैतडीमा जीप दुर्घटना : एकको मृत्यु, तीन जना घाइते
बैतडी - बैतडीमा जीप दुर्घटना हुँदा एक जनाको मृत्यु भएको छ । देहिमाण्डौँबाट गिरेगडातर्फ गइरहेको बिएसी ५६५९ नं को बोलेरो जीप शुक्रबार राति दशरथचन्द नगरपालिका–११ को नानीगाड भन्ने स्थानमा दुर्घटनामा भएको थियो ।
दुर्घटनामा परी पञ्चेश्वर गाउँपालिका– ५ का ५४ वर्षीय चन्चले दयालको मृत्यु भएको बैतडीका प्रहरी प्रवक्ता, प्रहरी निरीक्षक बलराम पाण्डेयले जानकारी दिए। चन्चलेको जिल्ला अस्पतालमा उपचारको क्रममा राति नै मृत्यु भएको हो ।
यस्तै पञ्चेश्वरकै ५२ वर्षीय लालीराम कोली, जीप चालक ३५ वर्षीय राकेस कोली र दशरथचन्द नगरपालिका –१० कि ३० वर्षीया कविता परियार घाइते भएका छन् । घाइतेहरू सबैको जिल्ला अस्पतालमा उपचार भइरहेको छ ।
चालकसहित चार जना मात्रै सवार जीप अनियन्त्रित भएर दुर्घटना परेको बताइएको छ । दुर्घटनाग्रस्त जीप सडकबाट करिब ४० मिटर तल खसेको छ । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
-1743850562.webp)
पहिलो बैठक नै नबसी बानेश्वर क्याम्पसका स्ववियु सदस्य ठकुल्ला बिदेसिए
प्रधानमन्त्री ओलीले भने- भारत भ्रमण नभ्याएर नभएको हो
रवि दाइ रास्वपाको साधारण सदस्यबाट पनि स्वतः निलम्बित भए : मुकुल ढकाल
अन्नपूर्ण हिमपहिरोमा हराएका चिनियाँ पर्यटकको १३ दिनपछि शव भेटियो
तीनकुने घटनाको निष्पक्ष छानविन हुन्छ : प्रधानमन्त्री
नेपाल-भारत सम्बन्धलाई सुदृढ गर्दै लैजान्छौँ: प्रधानमन्त्री ओली
सरकारले आन्दोलित शिक्षकका कुरा सुन्छ : प्रधानमन्त्री
