बालेनविरुद्ध प्रायोजित प्यादा विवादको चाङमा, रविदेखि राजावादीसम्म किन देख्न सक्तैनन् ओली
काठमाडौं– राजनीतिक विश्लेषक मुमाराम खनालले एउटा अन्तरवार्तामा सोधिएको थियो– किन सबै केपी ओलीविरुद्ध खनिन्छन्? उनको आलोचना र विवाद ओकल्छन्?
खनालको अर्थपूर्ण तर्क थियो– ओलीले कसैलाई पनि बाँकी नराखेका कारण सबैले गाली गर्छन्।
अब सवाल गालीको मात्र नभएर कार्यान्वयन तहमा नै पुगेको छ। ओलीको अहंकार र दम्भको उपयोग पहिला राजावादी आन्दोलनमा भयो भने त्यसपछि प्रमुख प्रशासकीय अधिकृतलाई काठमाडौं महानगरपालिकामा जबरजस्ती छिराएर बालेनविरुद्ध शंखघोष भएको छ।
अब वक्तव्यबाजीको ‘वार’ कार्यान्वयन तहमा पुगेपछि ओलीले प्रयोग गरेका प्यादा सह–सचिव सरोज गुरागाँई कस्ता पात्र हुन् भन्ने तहमा पुगेको छ।
अख्तियारको छानबिन र मानव अधिकारको कालोसूचीमा रहेका सरोजप्रसाद गुरागाईं १०३ दिनपछि प्रमुख प्रशासकीय अधिकृतको हैसियतमा काठमाडौं महानगरपालिका फर्किएका छन्।
पुरानो बसपार्कमा निर्माणाधीन काठमाडौं भ्यू टावरको नक्सापास अनियमिततामा मुछिएपछि उनी बिदामा बसेका थिए।
पुस ७ गतेदेखि महानगरमा हाजिर गर्न नपाएपछि गुरागाईं बिदामा बसेका थिए।
गुरागाँईका अन्य विवाद के–के छन् भन्न तलको हेडलाइनको समाचारमा क्लिक गर्नुहोला।
अख्तियारको छानबिनमा रहेका गुरागाईं मानव अधिकारको कालोसूचीमा, तर राजनितिक आडमा पुनरागमन
ओलीले राजावादी आन्दोलनलाई अपमान मात्र गरेका छैनन्, प्रहरी प्रयोग गराएर दमनको चेष्टा गरेका थिए। सदनमा राजावादी शक्तिलाई कुर्लिनु, निषेधसम्म गर्न सक्ने अभिव्यक्ति दिए।
यहाँसम्मकी आयोजकको कुनै कित्तामा नरहेका ज्ञानेन्द्र शाहलाई घटनाको जिम्मेवारी लिनुपर्ने भन्दै कारबाहीको दायरामा ल्याउने चेतावनी दिए।
यसपछि ओलीको अर्को तोप, रास्वपा सभापति रवि लामिछानेतिर फर्कियो। ओली सरकारले रातारात लामिछानेलाई पक्राउ गरी विदाको दुई दिन अघि हिरासतमा राखी मानसिक दबाबमा राख्ने कोशिश गरेको छ।
भलै उच्च अदालत रुपन्देहीले पूर्पक्षका लागि थुनामा पठाउने आदेश दिए पनि सरकारले सोमबारबिहान या आइतबार बेलुका पक्रन या लामिछानेलाई प्रहरीकहाँ जानका लागि समय दिन सक्ने थियो।
उपप्रधानसहित गृहमन्त्री समेत बनिसकेका सदनको चौंथो दलका सभापति जसको सांसद पद पनि निलम्बनमा राखिएको छ, उनलाई शुक्रबार राति नै सबै कुरा बितिहाल्छ जसरी पक्राउ गरियो।
यसको नेपथ्यको नैतिक जिम्मेवारी प्रधानमन्त्रीका हैसियतमा ओलीले लिनुपर्ने देखिन्छ।
यस्तो प्रवृत्तिको संविधानविद डा. भिमार्जुन आचार्यले समेत आलोचना गरेका छन्।
उनले सामाजिक सञ्जाल एक्समा दुई लामा पोस्ट लेखेर केही प्रक्रियाको तरिकालाई पनि उल्लेख गरेका छन्।
‘अदालतको आदेश पालना र कार्यान्वयनमा द्विविधा छैन’, आचार्य लेख्छन्,‘तर लोककल्याणकारी राज्यले आफ्ना नागरिकलाई पक्रन रातिकै समय किन रोज्छ? के टेक्स र एक्सनमा हाम्रो संगति कहिले नहुने हो?
समाचार पढ्न तलको हेडलाइनमा क्लिक गर्नुहोस्।
रवि लामिछाने पक्राउको तरिकामा संविधानविद आचार्यको आपत्तिः यस्तो लेखेका छन्
काठमाडौँ महानगरकी उपप्रमुख डंगोल बेल्जियम प्रस्थान
मानवअधिकार उल्लंघनमा अन्तर्राष्ट्रिय ढोका ढकढक्याउने बेला भो : सोबिता गौतम
चुनावबाट जनमत साबित गरेर चाहेजस्तो व्यवस्था ल्याउन पूर्वराजालाई महामन्त्री शर्माको चुनौती
सरकार सेखी झार्न रविलाई लखेटिरहेको छ : स्वर्णिम वाग्ले
स्वर्णिमसँग रवि : के-के न बित्यो जसरी ल्याए, दालभात खुवाएर राखेका छन्
गगन थापाले भने- कीर्तिपुरको डाँडा मात्रै होइन, त्यस्ता थुप्रै डाँडाहरूमा २–४ लाख कमाएको स्थिति बनाउनसक्छौँ
रास्वपा सांसद ढकालले यसरी सुनाए सभापति लामिछाने र आफ्नो अन्तिम ईच्छा
