राजनीति

स्वर्णिमसँग रवि : के-के न बित्यो जसरी ल्याए, दालभात खुवाएर राखेका छन्

सिएन नेपाल

शनिबार, चैत २३, २०८१

स्वर्णिमसँग रवि : के-के न बित्यो जसरी ल्याए, दालभात खुवाएर राखेका छन्

काठमाडौं - राष्ट्रिय स्वतन्त्र पार्टी (रास्वपा) का उपसभापति डा. स्वर्णिम वाग्लेले आफ्नो पार्टी सभापति रवि लामिछानेले गएराति जिल्ला प्रहरी परिसर काठमाडौंको बसाइबारे शनिबार आफूलाई जानकारी गराएको बताएका छन् ।

चितवनको भरतपुरमा आयोजित पार्टीको जनयात्रा शुभारम्भ कार्यक्रमलाई सम्बोधन गर्ने क्रममा उनले आज (शनिबार) बिहान भैरहवा लानुअघि रविसँग भेट भएको जानकारी गराए ।

सो भेटका क्रममा लामिछानेले आफूलाई भनेको कुराबारे पनि उनले खुलाए ।

‘आज बिहान जाँदैगर्दा पनि रविजीसँग मेरो कुरा भएको थियो । उहाँले भन्नुभयो– हेर्नुस् न स्वर्णिमजी, हिजो के के न बित्यो भनेर मलाई यहाँ ल्याए,’ लामिछानेको भनाइ उद्धृत गर्दै वाग्लेले भने, ‘अहिले यहाँ दालभात खुवाएर राखेका छन् । आज पनि बिदा भोलि पनि बिदा छ ।’

लामिछानेलाई शनिबार साँझ प्रहरीको टोलीले धरपकड गरेर पक्राउ गरेको भन्दै उनले भने, ‘सारा कानुनी राजको धज्जी उठडाइएको छ भन्ने आज प्रमाणित भएको छ ।’

अहिले आफ्नो पार्टीलाई सरकारले प्रहार गरिरहेको उनले बताए ।

प्रकाशित मिति: शनिबार, चैत २३, २०८१

प्रतिक्रिया दिनुहोस्