आइपिएलमा दिल्लीको लगातार तेस्रो जित, चेन्नई २५ रनले पराजित

काठमाडौँ - जारी आइपिएलमा दिल्ली क्यापिटल्सले लगातार तेस्रो जित हासिल गरेको छ । शनिबार सम्पन्न खेलमा दिल्ली क्यापिटल्सले चेन्नई सुपर किंग्सलाई २५ रनले पराजित गरेको हो ।

दिल्लीले दिएको १८४ रनको लक्ष्य पछाएको चेन्नईले २० ओभरमा ५ विकेट गुमाएर १५८ रन बनाएको थियो । चेन्नईका लागि विजय शंकरले सर्बाधिक ६९ रन बनाए भने महेन्द्र सिंह धोनीले अविजित ३० रन बनाए । त्यस्तै दिल्लीका विपराज निगमले २ विकेट लिए भने मिचेल स्टार्क, मुकेश कुमार र कुलदीप यादवले एक एक विकेट लिए ।

यसअघि टस जितेर पहिला ब्याटिंग गरेको दिल्लीले २० ओभरमा ६ विकेट गुमाउदै १८३ रन बनाएको थियो । दिल्लीका लागि केएल राहुलले सर्बाधिक ७७ रन बनाएका हुन् । त्यस्तै अभिशेक पोरेलले ३३ रन बनाएका हुन् । त्यस्तै ट्रीस्टान स्टब्सले २४, कप्तान अक्सर पटेलले २१ र समिर रिजवीले २० रन बनाएका थिए ।

त्यसैगरी चेन्नईका बलर खालिद अहमदले २ तथा रविन्द्र जडेजा, नूर अहमद र माथीशा पाथिरानाले एक एक विकेट लिएका थिए ।

यो जितपछि दिल्लीले लगातार तेस्रो जित हासिल गरेको छ र ६ अंकसहित शिर्ष स्थानमा रहेको छ । त्यस्तै चेन्नईले भने तेस्रो हार बेहोरेको छ । चेन्नईको ४ खेलमा २ अंकसहित आठौँ स्थानमा छ ।