कन्ट्रोभर्सीमा मुछिएकी मोडल दिकिला शेर्पा जब शनिबार राती काठमाडौंको स्टेजमा झुल्किन्...

काठमाडौं–  केही समयअघि एउटा भिडिओ लिक भएका कारण विवाद र कन्ट्रोभर्सीमा मुछिएकी मोडल दिकिला शेर्पा शनिबार राती स्टेजमा देखिएकी छन्। उनी काठमाडौंमा छिन्।

‘द भ्वाइस अफ नेपाल’को स्टेजमा शनिबार देखिएकी हुन्। पछिल्लो एपिसोड पनि निकै रोचक रह्यो, जसमा दर्शकले एक सरप्राइज ‘क्यामियो’ देख्न पाए।

दावा शेर्पाले प्रस्तुति दिइरहँदा दिकिला शेर्पा भ्वाइसको स्टेजमा प्रवेश गरिन्, जुन कसैले पनि सोचेको थिएन। स्टेजमा पुगेर उनले दावासँगै प्रस्तुति मात्र दिइनन्, उनको भोट गर्न अपिल गरिन्।

दावाले स्टेजमा एकदेव लिम्बुको गीत ‘झिमझिमाउने आँखा’मा प्रस्तुति दिइरहेका थिए। यो गीतको म्युजिक भिडिओमा पनि दिकिलाको अभिनय छ।

भारतको चर्चित रियालिटी शो ‘स्पिल्ट्सभिल्ला’को सिजन ५ बाट चर्चामा आएकी दिकिला अहिले नेपालमा छिन्। उनको डेब्यु फिल्म ‘कुस्ती’को छायांकन चलिरहेको छ।

यसबीचमा दिकिला एउटा ‘सेक्स भिडिओ’का कारण विवादमा तानिएकी थिइन्।

आफ्नै पूर्व प्रेमीसँगको नांगो (सेक्स) भिडियो लिक भएपछि उनी तनावमा पुगेकी थिइन्। 

फेसबुक तथा युट्युबमा समेत पोस्ट र शेयर गर्दा अश्लिल ठहरिने दिकिलाको भिडिओ पुस १४ गतेदेखि मेसेन्जर, टेलिग्राम, स्न्यापच्याट, इन्स्टाग्रामकालगायतका डिजिटल एपहरुबाट युवापुस्तामा सर्कुलेट भएको थियो। 

कुनै व्यक्तिसँग सँगै बसेर हेर्न असहज लाग्ने उक्त भिडिओलाई दर्शकले पनि मोबाइलमा हेरेका थिए।  

आखिर उक्त भिडियो कसरी लिक भयो त? ठोस कारण नखुले पनि तीन वर्ष पुरानो भिडिओ अहिले लिक भएको थियो। भारतको सिक्किम घर भएकी उनी काठमाडौँ–मुम्बई आउजाउ गर्छिन्। भिडिओ प्रकरणका बेला उनी काठमाडौंबाट अचानक भारत पुगेको खबर सतहमा आएका थिए।