ट्रम्पको झड्का : चीनमाथि १२५% कर, अन्य देशहरूलाई ९० दिनका लागि कर स्थगीत

वाशिंगटन, अप्रिल ९ (एजेन्सी) — अमेरिकाका पूर्व राष्ट्रपति डोनाल्ड ट्रम्पले चीनमाथि कडा व्यापारिक कदम चाल्दै १२५% ट्यारिफ तुरुन्तै लागू गर्ने घोषणा गरेका छन्। चीनले विश्व बजारप्रति देखाएको "असम्मान"को जवाफस्वरूप यस्तो कदम चालेको ट्रम्पको दाबी छ।

उनले भने, “चीनले अमेरिकालाई लुट्ने दिन अब स्वीकार्य छैनन्।” ट्रम्पको यो निर्णयले विश्वव्यापी व्यापार सम्बन्धमा ठूलो तरंग ल्याउने अपेक्षा गरिएको छ।

तर अर्कोतर्फ, ७५ भन्दा बढी देशहरूले अमेरिकासँग व्यापारसम्बन्धी वार्ता गर्न इच्छा देखाएको भन्दै ट्रम्पले ती देशहरूका लागि ९० दिनको ‘पज’ अवधि घोषणा गरेका छन्। यो अवधिमा ट्यारिफ घटाएर १०% मा सीमित गरिनेछ।

ट्रम्पको यो वक्तव्यले अमेरिका–चीन व्यापार युद्धको अर्को अध्यायको संकेत दिएको छ, भने अन्य राष्ट्रहरूसँगको कूटनीतिक व्यापार सम्बन्धमा केही सहजता ल्याउने आशा गरिएको छ।

डोनाल्ड ट्रम्पको मन्तव्यको पुर्णपाठ :

"चीनले विश्व बजारप्रति देखाएको सम्मानको अभावका कारण, म अमेरिकाले चीनमाथि लगाउने ट्यारिफ (भन्सार शुल्क) १२५% मा वृद्धि गर्ने घोषणा गर्दछु, जुन निर्णय तुरुन्तै लागू हुनेछ।

"कुनै समय, सायद नजिकै भविष्यमा, चीनले बुझ्नेछ कि अमेरिका र अन्य देशहरूलाई लुट्ने दिन अब स्वीकार्य छैनन्, न त दीगो छन्।

"यसको विपरीत, र त्यो सन्दर्भमा कि ७५ भन्दा बढी देशहरूले अमेरिकाका प्रतिनिधिहरू — वाणिज्य विभाग, कोष विभाग, र युएसटीआर — सँग व्यापार, व्यापार अवरोध, भन्सार शुल्क, मुद्रा हेरफेर, र गैर-आर्थिक भन्सारबारे वार्ता गर्न सम्पर्क गरेका छन्, र यी देशहरूले मेरो स्पष्ट सुझाव अनुसार अमेरिका विरुद्ध कुनै पनि प्रकारको बदला लिएका छैनन्, मैले ९० दिनको ‘पज’ (अस्थायी विराम) को अनुमति दिएको छु। यस अवधिमा पारस्परिक ट्यारिफ उल्लेखनीय रूपमा घटाएर १०% मा सीमित गरिएको छ, जुन निर्णय पनि तुरुन्तै लागू हुनेछ। तपाईंहरूको ध्यानाकर्षणका लागि धन्यवाद!"