दुर्गा प्रसाईंलाई काठमाडौं ल्याइयो
काठमाडौं- तीनकुनेको हिंसात्मक घटनापछि फरार भएका दुर्गा प्रसाईंलाई भारतबाट नियन्त्रणमा लिएर आज काठमाडौं ल्याइएको छ ।
उनलाई आसामको गुवाहाटीबाट झापा हुँदै विमानमार्फत् काठमाडौं ल्याइएको हो । उनलाई काठमाडौं जिल्ला प्रहरी परिसरमा ल्याइएको छ।
जिल्ला प्रहरी कार्यालय झापाको हिरासतमा बिहान केहीबेर राखेर उनलाई चन्द्रगढी विमानस्थल पुर्याइएको थियो । जिल्ला प्रहरी कार्यालयबाट विमानस्थलसम्म पुर्याउँदा उनलाई हतकडी लगाइएको थियो ।
विमानमा चढाइसकेपछि भने उनको हतकडी खोलिएको थियो । काठमाडौं ओर्लिएपछि पुनः हतकडी लगाइएको थियो ।
काठमाडौंको तीनकुनेमा चैत १५ गते भएको हिंसात्मक घटनापछि भागेर भारत गएका प्रसाईं आसामबाट पक्राउ परेका थिए । त्यहाँबाट उनलाई आज बिहान झापा ल्याइएको थियो । विमान चढ्ने क्रममा उनले आफैं पक्राउ परेको भनेका छन् ।
उनलाई नेपाल ल्याउन नेपाल प्रहरीको विशेष ब्यूरो र काठमाडौं उपत्यका अपराध अनुसन्धान कार्यालयको टोली भारत पुगेको सुरक्षा स्रोतले जनायो । तर प्रहरीले भने प्रसाईंलाई झापाको भद्रपुरबाट पक्राउ गरिएको दाबी गरेको छ ।
प्रसाईंलाई आजै अदालत उपस्थित गराइ अनुसन्धानका लागि म्याद थप्ने तयारी छ । त्यसका लागि प्रहरीको एक टोलीले कागजात तयार पार्दैछ ।
सुनसरी गोली प्रहार घटना, तीन जना पक्राउ
सेनाबाट सशस्त्रमा आएका गौतमको जागिर सकियो, एपीएफमा एक खाली एआईजी नै बन्नेछन् आईजी
सुनसरीमा एक जनामाथि गोली प्रहारः हान्ने र खानेको यथार्थ यस्तो छ
हेलिकोप्टर चढेर किन बर्दिबास पुगे प्रधानसेनापति सिग्देल?
जाली बाटोबाट आएको प्रधानसेनापतिले हिम्मत देखाउन सक्तैन (प्रमाणसहित)
शिकार खेल्न गएका तीन जनाले गोली चलाउँदा अर्का बाख्रा चराउने ‘शिकारी’को मृत्यु, यस्तो छ कारण
युके र क्यानडा पठाइदिन्छु भन्दै ४६ लाख ठगी, दुई जना पक्राउ
