ज्ञानेन्द्र शाहलाई किन संसदीय समितिमा बोलाउन मिल्दैन? यस्ता छन् कारण

काठमाडौं– राजावादी आन्दोलनका क्रममा तीनकुनेमा भएको हिंसात्मक घटनाको जिम्मेवारी ज्ञानेन्द्र शाहले लिनुपर्ने भन्दै कांग्रेस सांसद जीवन परियारले संसदीय समितिमा बोलाउनका लागि प्रस्ताव गरेका थिए। 

त्यो घटनामा प्रत्यक्ष नदेखिएका शाहलाई प्रधानमन्त्री केपी शर्मा ओलीले पनि जिम्मेवार रहेको बताएका थिए। 

तर शाहलाई संसदीय समितिमा बोलाउन नमिल्ने विभिन्न कारण रहेका छन्। बरिष्ठ अधिवक्ता टिकाराम भट्टराईले बोलाउन नमिल्ने कारण यसरी खुट्याएका छन्।

उनी केवल नागरिक हुन् संसद् नागरिकप्रति उत्तरदायी हुन्छ र सरकार जनताप्रति जवाफदेही हुन्छ।

संसदले कार्यकारी अधिकार नभएको एउटा नागरिकलाई सिधै संसदमा बोलाउन मिल्दैन त्यसो गरिएमा स्वयं संसदीय गरिमाको मूल्य मान्यतामा प्रश्न उठ्छ।

कार्यकारी अधिकार सरकारमा भएको हुनाले त्यो वितण्डामा पूर्वराजाको संलग्नताको मात्रा अनुसार कारबाही गर्ने दायित्व सरकारको हो। किन कारबाही भएन बनेर प्रधानमन्त्री र गृहमन्त्रीलाई संसद्ले जवाफदेही बनाउन सक्छ तर एउटा नागरिकलाई सिधै संसदमा बोलाउन मिल्दैन । त्यसको एउटा अपबाद छ संसदको बिशेषाधिकार हनन भएको र महाअभियोगको प्रस्न उठेको अवस्थामा भने संसदले सर्ब साधारण नागरिकलाई पनि झिकाउन सक्छ।

पूर्वराजालाई संसदमा बोलाउने कुराले उनैको महत्त्व र गरिमा बढ्ने र उनी कार्यकारी अधिकार प्राप्त व्यक्ती हुन भन्ने सन्देश सम्प्रेषण हुन्छ र यसले संसदीय व्यवस्थाको मूल्य मान्यतामा समेत ह्रास आउँछ। तसर्थ उनलाई होइन यो प्रकरणमा सरकारले उनलाई अहिलेसम्म किन कारबाही नगरेको भनेर सरकारलाई जवाफदेही बनाऔँ।