रवि लामिछाने थुनाः सर्वोच्चले मगायो उच्चको कैफियत प्रतिवेदन

काठमाडौं– पत्नी निकीता पौडेलको निवेदनका आधारमा सर्वोच्च अदालतमा रास्वपा सभापति रवि लामिछानेलाई उच्च अदालतले पूर्पक्षका लागि थुनामा पठाउने आदेशको रिटमा कैफियत प्रतिवेदन मगाएको छ।

आइतबार भएको सुनुवाईका क्रममा सर्वोच्चले यस्तो प्रतिवेदन उच्चसँग माग गरेको हो।

न्यायाधीश टेकप्रसाद ढुंगानाको इजलासमा परेको थियो । ढुंगानाको इजलासले प्रारम्भिक सुनुवाइपछि निर्णय लिइँदाको आधारसहितको कैफियत प्रतिवेदन मागेको हो। 

जिल्ला अदालत रुपन्देहीले एक करोड धरौटीमा रिहा गर्न आदेश दिएको मुद्दामा उच्च अदालत तुल्सीपुरको इजलासले लामिछानेलाई थुनामा बाहिर राखेर मुद्दा लड्न ठगीमा संलग्नको मनोबल बढ्ने र पीडितलाई थप पीडा हुने भन्दै थुनामा पठाउने आदेश गरेको थियो।

उक्त आदेशपछि २२ गते देखि नै प्रहरी नियन्त्रमा पुगेका लामिछाने हाल पुर्पक्षका लागि थुनामा छन्। 

बुटवलको सुप्रिम सहकारी ठगी र संगठित अपराधका रुपन्देही जिल्ला अदालतका न्यायाधीश प्रल्हादकुमार योगीको इजलासले भने लामिछानेलाई एक करोड धरौटीमा छोड्ने आदेश गरेको थियो।