एउटा भयानक क्रिकेटरको पीडामा छैन क्यान, पारस खड्का भएर पनि नपुग्दो रहेछ ध्यान (भिडिओ)

काठमाडौं– एउटा भयानक क्रिकेटर घाइते भएपछि बिचल्लीको अवस्थामा पुग्न सक्ने उदाहरण बनेका छन्, सिद्धान्त लोहनी। कुनै बेला क्रिकेट एशोशिएशन नेपाल (क्यान)का सचिव पारस खड्कासँग सँगै खेलेका उदयीमान क्रिकेटर लोहनी घाइते हुँदा पनि ध्यान नदिएको परिवारले गुनासो गरेको छ।

धेरै पटक कचकच गरेपछि लोहनीको परिवारलाई बोलाएर जम्मा एक लाख रुपैंया दिएबाहेक कुनै ध्यान दिइएको छैन। लोहनी कोशी प्रदेशका एक प्रभावशाली क्रिकेटर हुन्। 

नेपाली टिमबाट हेलिकप्टर सटको लागि प्रख्यात खेलाडी लोहनी दुई वर्षअघि जनकपुरमा भएको खेलमा घाइते भएका थिए। त्यसपछि अहिलेसम्म उनले पाँचपटक सर्जरी गरिसकेका छन् र अझै पनि उनी निको भएको छैनन्। 

उनले क्यानका अध्यक्ष चतुरबहादुर चन्द, सचिव पारस खड्का, अन्य क्यानका  पदाधिकारी र क्यानमै मेल गर्दा नी कसैले पनि चासो नदेखाएकोमा असन्तुष्टि देखाएका छन्। यसमा क्यानले आफ्नै खेलाडीलाई स्पष्ट रुपमा सहयोग नगरेको प्रष्ट छ।

लोहनीको परिवारका तर्फबाट भनिएको छ,‘योजना बनाएर होइन एउटा मौकामा पारस खड्कासँग भेट भयो। हामीले सिद्धान्तका बारेमा बतायौं। उहाँले आश्वासन दिनुभयो तर केही काम भएन।’

लोहनीका परिवारका तर्फबाट गरेका म्यासेजको रिप्लाई गरिए पनि यथार्थमा कुनै सहयोग नभएको गुनासो परिवारको रहेको छ। 

यो भिडिओ हेर्नुहोस्