अमेरिका र चीनको कर युद्ध अझ चर्कियो, ट्रम्पले बढाएर २४५ प्रतिशत पुर्याए

काठमाडौँ - अमेरिका र चीनबीचको कर युद्ध अझ चर्किएको छ । अमेरिकाले अब चीनमाथि फेरि सय प्रतिशत थप कर लगाएको छ । यससँगै अमेरिकामा आयात हुने चिनियाँ सामानहरूमा कुल भन्सार शुल्क २४५ प्रतिशत पुगेको छ ।

चीनले अप्रिल ११ मा अमेरिकी सामानमा १२५% कर लगाएको थियो, जसको जवाफमा ट्रम्पले नयाँ कर लगाएका छन् ।

यसअघि चीनले अब अमेरिकाले लगाएको कुनै पनि अतिरिक्त करको जवाफ नदिने बताएको थियो । अमेरिकाले नयाँ करको घोषणा गरेपछि चीनले अमेरिकासँग व्यापार युद्धबाट नडराउने बताएको छ । साथै चीनले अमेरिकाले वार्ता गर्नुपर्छ भनेर दोहोर्‍याएको छ । यसअघि डोनाल्ड ट्रम्पले चीनले वार्ता सुरु गर्नुपर्ने बताएका थिए ।

चिनियाँ विदेश मन्त्रालयका प्रवक्ता लिन जियानले अमेरिका साँच्चै वार्ता र सम्झौताको माध्यमबाट समस्या समाधान गर्न चाहन्छ भने उसले अनावश्यक दबाब, धम्की र ब्ल्याकमेल बन्द गर्नुपर्छ र समानता, सम्मान र पारस्परिक हितको आधारमा चीनसँग कुरा गर्नुपर्ने बताए ।

लिन जियानले अमेरिकालाई २४५ प्रतिशत अमेरिकी ट्यारिफ अन्तर्गत विभिन्न कर दरहरू के हुनेछन् भनेर सोध्नुपर्ने बताए । यो कर युद्ध अमेरिकाले सुरु गरेको भन्दै जियानले आफुहरुले केवल अमेरिकाको कारबाहीको जवाफ दिइरहेको बताए । 

चीनले एक दिन अघि, चीनले आफ्ना एयरलाइन्सहरूलाई अमेरिकी विमान निर्माता बोइङबाट नयाँ विमानको डेलिभरी नलिने आदेश दिएको थियो । चीनले अमेरिकामा बनेका विमानका पार्टपुर्जा र उपकरणहरू खरिद गर्न पनि रोक लगाउन आदेश दिएको छ ।

यो व्यापार युद्धको बीचमा चीनले ७ बहुमूल्य धातु (दुर्लभ पृथ्वीका सामग्री) को निर्यातमा पनि प्रतिबन्ध लगाएको छ । चीनले चिनियाँ बन्दरगाहहरूमा कार, ड्रोनदेखि रोबोट र मिसाइलसम्म सबै चीजहरू जम्मा गर्न आवश्यक पर्ने चुम्बकहरूको ढुवानीलाई पनि रोक लगाएको छ ।

यी सामग्रीहरू अटोमोबाइल, अर्धचालक र एयरोस्पेस व्यवसायहरूको लागि अत्यन्त महत्त्वपूर्ण मानिन्छन । यो निर्णयले विश्वभरका मोटर गाडी, विमान, अर्धचालक र हतियार उत्पादन गर्ने कम्पनीहरूलाई असर गर्ने र यीनको मुल्य बढ्ने बताइएको छ ।