अमेरिकी विशेष दुतले रुसको पक्ष लिए- जेलेन्स्की

काठमाडौँ -युक्रेनी राष्ट्रपति भोलोडिमिर जेलेन्स्कीले अमेरिकी विशेष दूत स्टिभ विटकफले रूसको पक्ष लिएको आरोप लगाएका छन् ।

जेलेन्स्कीले विटकोफले रुसी पक्ष लिने रणनीति अपनाएको आरोप लगाएका हुन् । उनले भनेका छन्- 'यो साँच्चै खतरनाक छ किनकि जानाजानी वा अनजानमा उनले रूसको पक्ष् लिइरहेका छन्  र रुसी कथा फैलाइरहेका छन् ।'

फक्स न्यूजसँगको अन्तर्वार्तामा विटकफले रूस र युक्रेन बीचको युद्ध पाँच क्षेत्रहरूमा निर्भर गर्ने, जसमध्ये धेरैजसो रूसले ओगटेको बताएका थिए ।

विटकफले हालै रुसी राष्ट्रपति भ्लादिमिर पुटिनसँग करिब पाँच घण्टा चलेको बैठक गरेका थिए । विट्कोफले पूर्वी युक्रेनको जापोरिजिया, डोनेट्स्क, खेरसन र लुहान्स्कलाई उल्लेख गर्दै यी क्षेत्रहरूको अधिकांश भाग रूसले ओगटेको टिप्पणी गरेका हुन् । पाँचौं क्षेत्र क्रिमिया हो, जुन २०१४ मा रूसले कब्जा गरेको थियो ।