अध्यक्षसहितका नेतालाई अविलम्ब रिहा गरियोस् : राप्रपा
काठमाडौं- राष्ट्रिय प्रजातन्त्र पार्टी (राप्रपा) ले अध्यक्ष राजेन्द्र लिङ्देनसहित पक्राउ परेका नेताहरूको रिहाइको माग गरेको छ । आ
इतबार (आज) निषेधित क्षेत्र तोड्ने प्रदर्शनका क्रममा अध्यक्ष लिङ्देनसहित उपाध्यक्ष बुद्धिमान तामाङ, नेता ज्ञानेन्द्र शाहीलगायतका नेताहरू पक्राउ परेका छन् । राप्रपाले उनीहरूको अविलम्ब रिहाइको माग गरेको हो । ‘शान्तिपूर्ण प्रदर्शनमा सहभागी हुन कार्यक्रमस्थलतर्फ जाँदै गर्नु भएका राप्रपाका अध्यक्ष र नेताहरूलाई अविलम्ब रिहा गरियोस्,’ राप्रपाले भनेको छ ।
अध्यक्ष लिङ्देनसहितका नेताहरूलाई भद्रकालीस्थित जिल्ला प्रहरी परिसर, काठमाडौँमा राखिएको छ । आज केही बेरअघि सिंहदरवार क्षेत्रमा विरोध प्रदर्शनका क्रममा अध्यक्ष लिङ्देनसहितका नेताहरुलाइ प्रहरीले नियन्त्रणमा लिएको थियो । जिल्ला प्रहरी परिसर काठमाडौँका एसपी अपिलराज बोहराका अनुसार उनीहरूलाई हाल भद्रकालीस्थित परिसरमा राखिएको छ । उक्त घटनाको समयमा सांसद दीपक सिंह पनि त्यहीं उपस्थित थिए । यद्यपि उनी भने फुत्किएर प्रदर्शनस्थल बानेश्वर पुगेका थिए ।
शिक्षामन्त्रीको राजीनामापछि मन्त्रालय नेतृत्वविहीन
दुर्गा प्रसाईँका दुई वटै अस्पतालको खाता फुकुवा गर्न सर्वोच्चको अन्तरिम आदेश
मन्त्रीपरिषद्को बैठक सकियो, शिक्षकलक्षित सात बुँदा बैठकमै लगिएन
शिक्षामन्त्री भट्टराईको राजीनामा स्वीकृत नगर्न सूर्य थापाको सुझाव
शिक्षामन्त्री भट्टराईले किन दिइन् राजीनामा ?
शिक्षामन्त्री र प्रधानमन्त्रीको राजीनामा होइन, ऐन माग्न आएका हौं’
प्रधानमन्त्रीको अध्यक्षतामा उच्चस्तरीय सुशासन आयोग गठन
