साउदीको भ्रमणमा गए भारतीय प्रधानमन्त्री मोदी

काठमाडौँ - प्रधानमन्त्री नरेन्द्र मोदी दुई दिने साउदी अरेबिया भ्रमणका लागि त्यसतर्फ प्रस्थान गरेका छन्। प्रधानमन्त्री मोदीले आफ्नो साउदी अरेबिया भ्रमणको बारेमा सामाजिक सञ्जालमा पोस्ट गरेका छन्।

उनले लेखेका छन्, ‘म साउदी अरेबियाको जेद्दा जाँदैछु। जहाँ म विभिन्न बैठक र कार्यक्रमहरूमा भाग लिनेछु। भारत र साउदी अरेबियाबीच लामो समयदेखि राम्रो सम्बन्ध रहेको छ र विगत दश वर्षमा यी सम्बन्धहरू अझ बलियो भएका छन्। रणनीतिक साझेदारी परिषद्को दोस्रो बैठकमा भाग लिन पाउँदा म उत्साहित छु। यसका साथै म त्यहाँ बसोबास गर्ने भारतीय जनतालाई पनि भेट्नेछु।’

साउदी अरेबियाका युवराज मोहम्मद बिन सलमानको निमन्त्रणामा प्रधानमन्त्री मोदी रियाद जाँदैछन्।

यसअघि सेप्टेम्बर २०२३ मा साउदी अरेबियाका युवराज भारतमा आयोजित जी टी-२० शिखर सम्मेलनको लागि नयाँ दिल्ली आएका थिए।

२०१४ मा प्रधानमन्त्री बनेपछि नरेन्द्र मोदीले साउदी अरेबियाको भ्रमण गरेको यो तेस्रो पटक हो। यसअघि उनले २०१६ र २०१९ मा साउदी अरेबियाको भ्रमण गरेका थिए।