जम्मू-कश्मिरमा भएको आतंकवादी हमलामा मारिएका नेपाली युवक बुटवलका
मंगलबार भारतको जम्मु–कश्मिरमा आतंकवादी आक्रमणबाट एक नेपालीको मृत्यु भएको पुष्टि भएको छ।
जम्मू-कश्मिर स्थित पहलगाममा मंगलबार पर्यटकको समूहमाथि भएको आक्रमणमा परी मृत्यु हुनेमा २७ वर्षीय सुदीप न्यौपाने रहेको पुष्टि भएको छ।
उनी बुटवल उपमहानगरपालिका-१४ कै रहेको सोही वडाका वडाध्यक्ष दधिराम न्यौपानेले जानकारी दिए। वडा अध्यक्ष न्यौपाने र मृतक सुदिप नातामा काका भतिज हुन्।
वडा अध्यक्ष न्यौपानेका अनुसार बन्दुकधारीहरुको उक्त समुहले बाटोमा हिड्दै गरेका सुदीपलाई कुन धार्मिक समुहको हो भन्दै सोधेपछी एकाएक गोली हानेको थियो। आमासँग बुटवल ११ कालिकानगरमा बस्दै आएका सुदीप धरानमा पब्लिक हेल्थ अध्ययन गर्थे।
गत शनिबार आमा रिमा पाण्डे, दिदी सुश्मा र भिनाजु उज्ज्वल काफ्लेसहित घुम्न भन्दै कश्मिर गएका सुदीपमाथी बन्दुकधारीहरुले अचानक आक्रमण गरेको वडा अध्यक्ष न्यौपानेले जानकारी दिए।
मृतक सुदीपको शव बुधबार नेपाल ल्याउने तयारी गरिएको उनले बताए। 'शवलाई कश्मिरबाट दिल्ली र दिल्ली बाट काठमाडौं ल्याउने तयारी गरिएको छ, अहिले म काठमाडौ जाँदै छु,’ वडा अध्यक्ष न्यौपानेले भने।
बुटवल उपमहानगरपालिकाका प्रमुख खेलराज पाण्डेले पनि कश्मिरमा भएको आक्रमणमा परी मृत्यु भएका युवक बुटवलकै रहेको पुष्टि गरेका छन्। उनीसँगै गएका अन्य आफन्त भने सकुशल रहेको सूचना प्राप्त भएको वडाध्यक्ष न्यौपानेले बताए।
तीनकुनेको घरमा आगो लगाउनेविरुद्ध कर्तव्य ज्यानको मुद्दा
हतियार हराउने नेपाली सेनाका कर्णेल र क्याप्टेन सैनिक हिरासतमा
यी हुन् जम्मू काश्मिरमा नेपाली सुदीप न्यौपानेसहित २७ को हत्या गर्ने मध्यका ४ संदीग्धहरू
जम्मू काश्मिरमा आतंकवादीबाट मारिए बुटवलका सुदीपः आमा, बहिनी र ज्वाँई लिएर घुम्न गएका थिए
नेपाल प्रहरीका पूर्वआईजी दुर्लभकुमार थापाको निधन, वर्तमान आईजी थापाले दिए श्रद्धा सुमन
तीनकुने घटना : दुर्गा प्रसाईमाथि पाँच कसुरमा बयान थालियो
रिक्त एउटा एआईजीमा फड्को मारी आईजी बन्ने ध्याउन्नमा छन् सशस्त्र प्रहरीका यी डीआईजीहरू
