देशभरका आवासीय चिकित्सकलाई काठमाडौं केन्द्रीत आन्दोलनमा आउन आग्रह

काठमाडौ - देशभरका आवासीय चिकित्सकलाई काठमाडौं केन्द्रीत आन्दोलनमा आउन आग्रह नेपाल चिकित्सक सङ्घले आग्रह गरेको छ ।

बुधबार पत्रकार सम्मेलन गर्दै सङ्घले बिहिबार जिल्ला प्रशासन कार्यालय घेराउ गर्ने २४ घन्टाभित्र माग कार्यान्वयन नभए आकस्मिक बाहेकका सेवा रोक्ने चेतावनी दिएको हो ।

पछिल्लो २८ दिनदेखि आवासीय चिकित्सकहरु आन्दोलित छन्। उनीहरुले चिकित्सा शिक्षा आयोगले बढाएको निर्वाह भत्ता ४८ हजार ७३७ रुपैया पाएका छैनन्। निजि मेडिकल कलेजहरुले आयोगले कायम गरेको निर्वाह भत्ता नदिएपछि आवासीय चिकित्सक आन्दोलित हुन् ।

चितवन मेडिकल कलेजमा आवासीय चिकित्सक विप्लभ लामिछानेले आवासीय चिकित्सकहरुलाई मेडिकल कलेजले दबाएको बताए । 'हामीलाई विध्यार्थी भनिएको छ, तर हामी मजदुर हौ, यो कुरा कानुनमा पनि छ, तर निजि मेडिकल कलेजहरुले श्रम शोषण गरिरहेका छन,' उनले भने, 'निजि मेडिकल कलेजहरु नाफामा छन तर तलब दिन मानेका छैनन, उल्टै धम्क्याएका छैन, उहाहरुले खुट्टा भाचिदिन्छौ भन्नुभएको छ, तर हामीसङ्ग उहाहरुको अस्पतालमा उपचार गर्ने पैसा छैन ।'