कांग्रेस भित्रका ‘सनातन हिन्दू राष्ट्र स्थापना महाअभियान’ कमान्डरको कडा विज्ञप्ति

काठमाडौं– नेपाली कांग्रेसभित्र हिन्दूत्वको अभियान चलाइरहेका नेता शंकर भण्डारीले भारतको जम्मू कश्मिरमा भएको आतंकवादी हमलाबारे कडा विज्ञप्ति जारी गरेका छन्। 

एक नेपाली सुदीप न्यौपानेसहित २७ जनाको हत्या भएको विषयमा उनको कडा विज्ञप्ति आएको हो। 

महाअभियानका तर्फबाट भण्डारीले हालै मात्र भारतको जम्मू कश्मिरको पहलगाममा भएको आतंकवादी हमलाको भत्र्सना गरेका छन्। 

उनले विज्ञप्तिमार्फत भनेका छन्,‘कट्टरपन्थी मुस्लिम बन्दुकधारी आततायीहरुको भिडमा नाम थर र धर्म सोधी हिन्दूमाथि गरिएको नियोजित नरसंहारको घटना विश्वभरीका वैदिक सनातनी अनुयायी हिन्दूहरुका लागि सुनियोजित हमला हो।’

भण्डारीले जारी गरेको विज्ञप्ति यस्तो छ

कांग्रेसका अन्य नेताले धर्म निरपेक्षताको वकालत गर्छन्, खासगरी विमलेन्द्र निधि र कृष्ण सिटौला। तर, स्व. खुमबहादुर खड्काले चलाएको सनातन हिन्दू राष्ट्रको महाअभियानलाई कांग्रेसभित्र शंकर भण्डारीले जारी राखेका छन्। उनीसँग मत मिल्ने अन्य नेता पनि छन्। 

राजनीतिमा यो महाअभियान फरक धारको तर कांग्रेसभित्र अटाएको मात्र हैन, जनताले मत दिएर जिताएको पनि हो। भण्डारी प्रतिनिधि सभाका निर्वाचित सांसद हुन्।