विद्या भट्टराईले दिइन् पन्तलाई बधाई, प्रधानमन्त्री ओलीप्रति आभार

काठमाडौँ - पूर्वशिक्षमन्त्री विद्या भट्टराईले नवनियुक्त शिक्षामन्त्री रघुजी पन्तलाई बधाई दिँदै सफल कार्यकालको शुभकामना व्यक्त गरेकी छन्।

सामाजिक सञ्जालमार्फत भट्टराईले कास्की–२ का मतदाता, प्रधानमन्त्री केपी शर्मा ओली, नेकपा एमाले र मन्त्रालयका कर्मचारीहरूप्रति आभार प्रकट गरेकी हुन् ।

भट्टराईले भनेकी छन्- 'मलाई विश्वास गरेर सरकारमासँगै काम गर्ने अवसर दिनुभएकोमा प्रधानमन्त्री केपी शर्मा ओलीप्रति आभारी छु । मन्त्रालयका सचिव, सहसचिव, विभागीय प्रमुख, कर्मचारी र सुरक्षा कर्मीहरूको सहयोगप्रति धन्यवाद दिन चाहन्छु ।' उनले शिक्षा, विज्ञान र प्रविधि क्षेत्रमा सुझाव दिने विज्ञ, शिक्षाविद्, वैज्ञानिक, अनुसन्धानकर्ता, सञ्चारकर्मी, नागरिक समाज र सक्रिय संघसंस्थाप्रति पनि आभार प्रकट गरेकी छन् ।

उनले भनेकी छन्- 

नवनियुक्त माननिय शिक्षा, विज्ञान तथा प्रविधि मन्त्री रघुजी पन्तलाइ हार्दिक बधाई तथा सफल कार्यकालको शुभकामना !

करिब ९ महिना, यसै मन्त्रालयको जिम्मेवारी दिएर शिक्षा क्षेत्रमा केहि सुधार गर्ने प्रयासमा लाग्नका लागि मलाइ अभिप्रेरित गर्नुहुने सम्पुर्ण न्यायप्रेमी समुदाय, कास्की २ का सम्पुर्ण आदरणीय मलाइ निर्वाचित गर्नुहुने मतदाताहरु र आम शुभचिन्तकहरुप्रति हार्दिक आभार ब्यक्त गर्दछु । 

मलाइ विश्वास गरेर आफ्नो नेतृत्वमा बनेको सरकारमा संगै काम गर्ने अवसर दिनु भएकोमा सम्माननिय प्रधानमन्त्री तथा नेकपा एमालेका अध्यक्ष केपी शर्मा ओली र वहाँको नेतृत्वको मन्त्रीपरिषदप्रति आभारी छु । यस अवसरका लागि मलाई छनोट गर्नु भएकोमा सम्पुर्ण पार्टिका नेता र सिङ्गो पार्टी पंक्तिप्रति कृतज्ञता ज्ञापन गर्न चाहन्छु । मैले कार्यभार सम्हालिरहदा मलाइ साथ सहयोग गर्नुहुने मन्त्रालयका सचीवहरु, सहसचिवहरु, विभागिय प्रमुखहरु, निकायका प्रमुखहरु र सम्पुर्ण कर्मचारी तथा सुरक्षा कर्मिहरुलाइ हार्दिक धन्यवाद दिन चाहन्छु ।  

मलाई सुझाव र सरसल्लाह दिएर उत्प्रेरित गर्नुहुने शिक्षा, विज्ञान र प्रविधिको क्षेत्रमा कृयाशिल सम्पुर्ण ब्यक्तित्वहरु प्रति हार्दिक आभार ब्यक्त गर्दछु । शिक्षाको विकास र अनुसन्धानको क्षेत्रमा सुधारको खाका दिनुहुने सम्पुर्ण विज्ञ, नीतिनिर्माता, शिक्षाविद, वैज्ञानिक, अनुसन्धानकर्ता, अभियन्ता, संचारविज्ञ, सम्पुर्ण संचारकर्मि, नागरिक समाज र सम्पुर्ण कृयाशिल संघसंस्थाका नेतृत्वहरु प्रति धन्यवाद ज्ञापन गर्दछु । 

मेरो सचिवालयमा रहेर मलाइ सहजीकरण गर्नुहुने सचिवालयका सम्पुर्ण टिमलाइ हार्दिक धन्यवाद ब्यक्त गर्दछु । अबको मेरो यात्रा सार्वजनिक शिक्षाको सवलिकरण, अनुसन्धान, विज्ञान तथा प्रविधिमा आधारित सबैका लागि गुणस्तरीय शिक्षामा रहनेछ ।