काठमाडौं - बलिउडकी चर्चित अभिनेत्री हुन् अनुष्का शर्मा । अभिनेता शाहरुख खानसँग फिल्म जीरो मा देखिएपछि कुनै फिल्ममा नदेखिएकी अनुष्का अब भने फिल्ममा तात्तिन थालेकी छन् । फिल्म जीरो फ्लप भएपछि फिल्म खेल्न रुची नराखेकी अनुष्कालाई पछिल्लो समय भने फिल्मका अफरै अफर आएका छन् ।
भारतिय मिडियाका अनुसार अहिले उनलाई ठूला बजेटका दुई फिल्म र ठूलै बजेटको ओटीटी प्रोजेक्टबाट अफर आएको छ ।उनका तीनवटा प्रोजेक्टको नाम हालसम्म गोप्य नै राखिएको छ ।
उनले भारतीय क्रिकेटर झूलन गोस्वामीको बायोपिकमा अभिनय गर्ने चर्चा पनि चलिरहेको थियो । तर अनुष्काले यो सत्य नभएको बताइन् ।
उनको फिल्म जीरो अघिका फिल्म निकै हिट भएका थिए । सलमान खानसँग फिल्म सुल्तान, अमिर खानसँग फिल्म पीके र फिल्म सञ्जु मा पनि उनले अभिनय गरिन् । जसमा उनको अभिनय दर्शकले निकै रुचाएका थिए ।
प्रकाशित मिति: बिहीबार, मंसिर ८, २०७९ ०२:२९
प्रतिक्रिया दिनुहोस्
