काठमाडौं - निर्देशक सन्तोष सेनको निर्देशनमा बनेको चलचित्र 'प्रेम गीत ३' तोकिएको मितिमा प्रदर्हनमा नआउने भएको छ । यसअघि फागुन १३ मा प्रदर्शनको तयारी रहेको यस फिल्म कोरोनाका कारण यस मितिमा प्रदर्शनमा नआउने भएको हो ।
फागुन १३ मा प्रदर्शनमा नआउनेबारे निर्देशक सेनले सामाजिक सञ्जलामार्फत जानकारी गराएका छन् । सेनले भारतमा कोरोनाभाइरसको संक्रमण बढ्दा हलहरु बन्दा हुन थालेकोले प्रदर्शन रोकिएको बताएका छन् ।
फिल्ममा अभिनेता प्रदीप खड्का, क्रिस्टिना गुरुङ, , मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, पुस्कर कार्की, प्रम पुरी, लक्ष्मी वर्देवा लगायतका कलाकारको अभिनय रहेको छ ।
निर्देशक सेनले भनेका छन् - 'सम्पूर्ण चलचित्र प्रेमी महानुभावहरु,दर्शक,पत्रकार साथीहरु,वितरक,चलचित्र संघ प्रति यो खबर सम्प्रेषण गर्दै गर्दा दु:ख महसूस गरेका छौ.. हामिले “प्रेम गीत ३” को post production को काम नेपाल लगायत मुम्बई का दिग्गज टिमहरुबाट सम्पन्न गरेका छौ ।'यस्को पर्दशन मिती फाल्गुन १३ लाई लच्छित गरेर विभिन्न प्रचार प्रसार सामग्री तयार भए संगै दर्शक माझ् पस्कने तयारीमा थियौ.. यसैक्रममा भारत बजारका वितरक समुहले दिएको सल्लहा सुझावलाई मनन् गर्दै सिनेमा घरहरु बन्द हुने क्रम बढेको हुनाले ,नेपाल,भारत अथवा विश्वभरी अलग अलग मितीमा प्रदर्शन नगरी एक साथ प्रदर्शन गर्नुपर्ने प्रस्ताव आएको हुनाले हामी नअत्तालिकन यो अप्ठ्यारो परिस्थितिवाई मध्यनजर गर्दै र त्यो गहकिलो प्रस्ताव लाई स्विकार गर्दै अनिश्चित कालको लागी प्रदर्शन मिती स्थगित गरेका छौ'
