काठमाडौं । भारतका चर्चित निर्देशक सञ्जयलीला भन्सालीसँग अभिनेत्री मनीषा कोइरालाले सहकार्य गर्ने भएकी छन् । लामोसमयदेखि कुनै फिल्ममा नदेखिएकी मनिषा अब भन्सालीको 'हिरामन्डी' नामको सिरिजमा देखिने भएकी हुन् ।
नेटफ्लिक्सले निर्माण गर्न लागेको 'हिरामन्डी' लाई लिएर मनिषा निकै उत्साहित भएको बतायएको छ । यसमा मनीषासँगै सोनाक्षी सिन्हा र कुरेसी पनि देखिने बताइएको छ ।
यसको पहिलो भाग भन्सालीले नै निर्देशन गर्नेछन् । सिरिजमा यौनकर्मीहरूको कथा समेटिने बताइएको छ । मनिषाले यसअघि पनि भन्सालीको फिल्ममा काम गरेकी थिइन् ।
भन्सालीको पहिलो फिल्म 'खामोसी : दि म्युजिकल' मा मनिषाले अभिनय गरेकी थिइन् । अब फेरि एकपटक मनिषाले भन्सालीसँग सहकार्य गर्ने मौका पाएकी छिन् ।
प्रकाशित मिति: बुधबार, मंसिर ७, २०७९ १०:०६
प्रतिक्रिया दिनुहोस्
