काठमाडौँ। नेपालमा पछिल्लो समय कोरोनाभाइरसको संक्रमण बढ्न थालेको छ । यो साताको तथ्यांक हेर्दा दैनिक कोरोनाबाट संक्रमित हुनेको संख्या बढेको देखिन्छ ।
सरकारले पछिल्लो २४ घण्टामा १४ हजार ९ सय ७१ परिक्षण गर्दा मुलुकभर थप ९ सय ६८ जनामा कोरोना संक्रमण पुष्टि भएको जानकारी दिएको छ । यसअघि आइतबार २१६ जनामा, सोमबार ३२६ जनामा, मंगलबार ३९३, बुधबार ४ सय ३५ र बिहिबार ५ सय ४० जनामा कोरोना संक्रमण पुष्टि भएको मन्त्रालयले जानकारी दिएको थियो । यससँगै कूल संक्रमितको संख्या ८ लाख ३१ हजार ५२ (पीसीआर टेस्टबाट) र (एण्टीजेनबाट) ९६ हजार ८ सय ४१ पुगेको छ।
साथै पछिल्लो २४ घण्टामा २ सय ६२ जना कोरोनाभाइरस संक्रमणमुक्त भएसँगै निको हुनेको कूल संख्या ८ लाख १३ हजार ७ सय ९ पुगेको मन्त्रालयले जानकारी दिएको छ । यस्तै हालसम्म सक्रिय संक्रमित ५ हजार ७ सय ४१ जना रहेका छन्।
यसैगरी पछिल्लो २४ घण्टामा एक जनाले पनि ज्यान गुमाएका छैनन्। हालसम्म कोरोनाभाइरस संक्रमणबाट ज्यान गुमाउनेको संख्या ११ हजार ६ सय २ जना रहेको स्वास्थ्य मन्त्रालयले जनाएको छ।
