काठमाडौँ - अभिनेता विपिन कार्कीले बलिउड फिल्ममा अभिनय गर्ने भएका छन् । उनलाई मुम्बईबाट नै फिल्म ‘एनिमल’मा अभिनय गर्न प्रस्ताव आएको हो ।
सन्दीप रेड्डी भांगाले निर्देशन गर्ने यस फिल्ममा विपिनले अभिनेता रणवीर कपूरसँग अभिनय गर्ने बताइएको छ । सन्दीप रेड्डीले 'अर्जुन रेड्डी'को हिन्दी भर्सन ‘कबीर सिंह’को निर्देशन गरेका थिए ।
विपिनले आफूलाई मूम्बईबाट नै फोनबाट फिल्मको अफर आएको बताए । विपिनले फिल्मको स्क्रिप्ट भने पाएका छैनन् । उनले अगस्टमा सुटिङका लागि आफूलाई बोलाइएको बताए । यस फिल्ममा रनवीर कपुर, अनिल कपुर, बबि देओल र परिनीति चोपडाले अभिनय गरिरहेका छन् ।
प्रकाशित मिति: बिहीबार, मंसिर ८, २०७९ ००:५८
प्रतिक्रिया दिनुहोस्
