काठमाडौं । भारतमा पछिल्लो समय कोरोनाभाइरसको संक्रमण र मृत्यु दर बढ्न थालेको  छ । पछिल्लो २४ घण्टामा २ लाख ६७ हजार ३४५ जनामा कोरोना संक्रमण देखिएको छ । 
 
हालसम्म कोरोना संक्रमितको कुल संख्या ३ करोड ६८ लाख ४९ हजार ४ सय ७४ पुगेको छ । पछिल्लो २४ घण्टामा ४ सय ३० संक्रमितले ज्यान गुमाएका छन् ।  हालसम्म भारतमा कोरोना संक्रमणबाट ज्यान गुमाउनेको संख्या ४ लाख ८५ हजार ७ सय ८० जना पुगेको छ ।  
 
यस्तै पछिल्लो २४ घण्टामा १ लाख १३ हजार ४०७ जना निको भएका छन् । भारतमा हालसम्म कोरोनासंक्रमणबाट मुक्त हुनेको संख्या ३ करोड ४९ लाख ३८ हजार १ सय १३ पुगेको छ ।