काठमाडौं । भारतमा पछिल्लो समय कोरोनाभाइरसको संक्रमण र मृत्यु दर बढ्न थालेको  छ । पछिल्लो २४ घण्टामा २ लाख ६८ हजार ९९९ जनामा कोरोना संक्रमण देखिएको छ । यसअघि एकैदिन २ लाख ६७ हजार संक्रमित फेला परेका थिए । 
 
हालसम्म कोरोना संक्रमितको कुल संख्या ३ करोड ७१ लाख १९ हजार ९ सय ६१ पुगेको छ । पछिल्लो २४ घण्टामा ३ सय १४ संक्रमितले ज्यान गुमाएका छन् ।  हालसम्म भारतमा कोरोना संक्रमणबाट ज्यान गुमाउनेको संख्या ४ लाख ८६ हजार ९४ जना पुगेको छ ।  
 
यस्तै पछिल्लो २४ घण्टामा १ लाख २८ हजार ८६६ जना निको भएका छन् । भारतमा हालसम्म कोरोनासंक्रमणबाट मुक्त हुनेको संख्या ३ करोड ५० लाख ७६ हजार २ सय ५६ पुगेको छ ।