काठमाडौं - साउथ फिल्मकी अभिनेत्री सामन्था रुथ प्रभु र अभिनेता नागा चैतन्यले लामो वैवाहिक सम्बन्धलाई तोडिसकेका छन् । करीब ४ वर्षअघि विवाह गरेका उनीहरुले आपसी सहमतिमा डिभोर्स गरे । उनीहरुको डिभोर्स हुँदा धेरै फ्यानहरु दुखी पनि भए ।
डिभोर्सको निर्णयपछि उनीहरुले आफूहरू अलग भए पनि राम्रो साथी रहिरहने पनि बताए । तर उनीहरुले आपसी मतभेदका कारण वैवाहिक सम्बन्धलाई ताडेको भारतिय मिडियामा बताइएको छ ।
फिल्म ‘बंगारराजु’ को प्रमोशनको क्रममा नागाले आफ्ना पुराना कुरा खुलाए । उनले अलग हुनु एकदम ठिक भएको बताउदै सामन्था खुसी छिन् भने आफू पनि खुसी हुने बताए ।
उनले सामन्थाकै खुसीको लागि यस्तो निर्णय गरेको पनि बताए । केही समयअघि सामन्थाले पनि डिभोर्सको बारेमा आफूले धेरै पटक कुरा गरिसकेको भन्दै अब कुरा ननिकाल्न बनेकी थिइन् ।
दुवैजना अलग्गिएपछि अहिले उनीहरु व्यावसायिक जीवनमा ध्यान केन्द्रीत गरिरहेका छन् । गत अक्टोबर २ मा उनीहरूले सम्बन्धविच्छेदको घोषणा गरेका थिए । समान्था र नागा तीन वर्षको प्रेम सम्बन्धपछि सन् २०१७ मा वैवाहिक जीवनमा बाँधिएका थिए । विवाहको चौथो वार्षिकोत्सव आउनु चार दिन अघि उनीहरु सदाका लागि अलग्गिए ।
