काठमाडौं - बलिउडकी चर्चित अभिनेत्री कैटरीना कैफ विवाहपछि अहिले घरमै बसिरहेकी छन् । विवाहपछि उनको सुपरहिरो फिल्मको काम पनि रोकिएको छ ।
निर्देशक अली अब्बास जफरले बनाउने यस फिल्म महँगो लगानीमा बनाइने र कैटरीनाको मुख्य भूमिका रहने बतायएको छ । तर अली अहिले अन्य प्रोजेक्टमा पनि व्यस्त भएकाले यस फिल्मलाई ध्यान दिन नसकेको भारतिय मिडियामा बताइएको छ ।
सुपरहिरोमा आधारित फिल्म छाडेर अली अहिले शाहिद कपुरसँग नयाँ फिल्ममा व्यस्त हुन थालेका छन् । त्यसलगत्तै उनी अक्षय कुमारसँग फिल्म ‘बडे मियाँ छोटे मियाँ’ मा व्यस्त हुने बताइएको छ ।
यो सबै हेर्दा अली अन्य फिल्ममा व्यस्त हुँदा कैटरीनाको सुपरहिरो बन्ने सपना पूरा नहुने देखिन्छ । उनको इच्छा फिल्ममा एक्सन गर्ने थियो । तर अलीले यस फिल्मतर्फ ध्यान दिन छाडे ।
प्रकाशित मिति: बिहीबार, मंसिर ८, २०७९ ०१:५६
प्रतिक्रिया दिनुहोस्
