काठमाडौं - बंगलादेशकी चर्चित अभिनेत्री रायमा इस्लाम शिमू मृत अवस्थामा फेला परेकी छन् । आइतबार सुटिङका लागि भन्दै घरबाट बाहिर निस्किएकी रायमा ढाकाको केरानीगञ्जमा अवस्थित आलियापुर इलाकामा बोराभित्र मृत भेटिएकी हुन् ।
प्रहरीले उनको शव बोराभित्र दुई टुक्रा भएको अवस्थामा फेला पारेको हो । उनको शव अहिले पोस्टमार्टमका लागि मिडफोर्ड अस्पताल लगिएको जनाइएको छ ।
आलियापुर इलाकाको हजरतपुर पुलमा सोमबार प्रहरीले बोरा बाधेँको अवस्थामा फेला पारेको हो । उनको ज्यान लिएको अभियोगमा प्रहरीले पति सखावत, उनका साथी र चालकलाई नियन्त्रणमा लिएको छ ।
पति र दुई सन्तानका साथ बस्दै आएकी रायमा आइतबारदेखि बेपत्ता भएकी थिइन् । उनले रायमाले झण्डै २५ फिल्म र ५० बढी नाटकमा काम गरेकी थिइन् ।
प्रकाशित मिति: बिहीबार, मंसिर ८, २०७९ ०६:१९
प्रतिक्रिया दिनुहोस्
