काठमाडौं - पेट्रोलियम पदार्थको मूल्य बढेको छ । बुधबार रातिदेखि लागू हुने गरी नेपाल आयल निगमले पेट्रोल, डिजेल र मट्टितेलको मूल्य बढाएको हो ।
निगमका अनुसार निगमले पेट्रोल, डिजेल र मट्टितेल लिटरमा ३–३ रुपैयाँले बढाएको हो । अब पेट्रोल लिटरको १ सय ३९ रुपैयाँ र डिजेल, मट्टितेल लिटरको १ सय २२ रुपैयाँ कायम भएको छ ।
यस्तै आन्तरिकतर्फको हवाइ इन्धनको मूल्य लिटरमा ५ रुपैयाँले बढेको छ । अब यसको मूल्य लिटरको १०६ रुपैया कायम भएको छ । यस्तै अन्तर्राष्ट्रिय हवाइ इन्धन पनि लिटरमा एक सयले बढेर ९९५ रुपैयाँ अमेरिकी डलर कायम भएको छ । यो मूल्य बुधबार राती १२ बजेबाट लागू भइसकेको छ ।
प्रकाशित मिति: बुधबार, मंसिर ७, २०७९ ११:०१
प्रतिक्रिया दिनुहोस्
