काठमाडौं - बलिउड अभिनेता अमिर खान पछिल्लो समय तेस्रो विवाहलाई लिएर चर्चामा छन् । १५ वर्षपछि पत्नी किरण रावसँग सम्बन्धविच्छेद गरेपछि अमिरले अर्को विवाह गर्न लागेको चर्चा चलेको हो ।
अमिरले बलिउडकै एक अभिनेत्रीसँग विवाह गर्ने भारतिय मिडियामा जनाइएको छ । फिल्म लाल सिंह चड्डा मा व्यस्त रहेका अमिर फिल्मको काम सकेपछि तेस्रो विवाहबारे खुलासा गर्ने बताइएको छ ।
यसअघि पनि व्यक्तिगत जिवनका कारण चर्चामा आइरहेका अमिर यसपटक पनि विवाहका कारण चर्चामा आएका हुन् । उनले पहिलो विवाह रीना दत्तासँग गरेका थिए । रीनासँग अलग्गिएपछि अमिरले किरणसग विवाह गरेका थिए । किरणसँग पनि अमिर अलग्गिइसकेका छन् ।
प्रकाशित मिति: बिहीबार, मंसिर ८, २०७९ २१:२६
प्रतिक्रिया दिनुहोस्
