काठमाडौं - बलिउडमा एकपछि अर्को शोक परेको छ । गएराति अभिनेता रमेश देवको निधन भएको छ। हालै आफ्नो ९३ औं जन्मदिन मनाएका देवको अस्पतालमा उपचारको क्रममा गएराति निधन भएको हो ।
उनको मुम्बईको धीरुभाइ अस्पतालमा निधन भएको बताइएको छ । उनले अमिताभ बच्चन, राजेश खन्ना लगायतका कलाकारसँग अभिनय गरेका थिए । फिल्म आरती बाट फिल्म क्षेत्रमा प्रबेश गरेका उनले सरस्वती चन्द्र, आनन्द, आपकी कसम, मेरे सपने, तीन बहुरानियाँ, पतीता लगायतका फिल्ममा अभिनय गरेका थिए ।
यसअघि बुधबार बिहान नै बलिउड अभिनेता अमिताभ दयालको निधन भएको थियो । अमिताभले पनि अमिताभ बच्चन, सञ्जय दत्त, जोन अब्राहमका साथ ‘विरुद्ध’ र ओमपुरी, नन्दिता दासका साथ ‘कगार’ जस्ता फिल्ममा अभिनय गरेका थिए ।
प्रकाशित मिति: बुधबार, मंसिर ७, २०७९ १५:०४
प्रतिक्रिया दिनुहोस्
