काठमाडौँ। नेपालमा पछिल्लो २४ घण्टामा २४ सय १ जनामा कोरोना संक्रमण पुष्टि भएको छ । १६ हजार ३ सय ५६ जनाको परिक्षण गर्दा मुलुकभर थप २४ सय १ जनामा कोरोना संक्रमण पुष्टि भएको हो ।
यससँगै कूल संक्रमितको संख्या ९ लाख ७० हजार ४ सय ६२ (पीसीआर टेस्टबाट) र (एण्टीजेनबाट) १ लाख ३६ हजार १ सय ५५ पुगेको छ।
साथै पछिल्लो २४ घण्टामा ७ हजार ७७७ जना कोरोनाभाइरस संक्रमणमुक्त भएसँगै निको हुनेको कूल संख्या ९ लाख २८ हजार ३ सय ६९ पुगेको मन्त्रालयले जानकारी दिएको छ । यस्तै हालसम्म सक्रिय संक्रमित ३० हजार २ सय ४१ जना रहेका छन्।
यसैगरी पछिल्लो २४ घण्टामा १४ जनाले ज्यान गुमाएका छन्। हालसम्म कोरोनाभाइरस संक्रमणबाट ज्यान गुमाउनेको संख्या ११ हजार ८ सय ५२ जना रहेको स्वास्थ्य मन्त्रालयले जनाएको छ।
प्रकाशित मिति: शुक्रबार, मंसिर ९, २०७९ ०१:०३
प्रतिक्रिया दिनुहोस्
