काठमाडौं - नेपाली चलचित्र क्षेत्रकी चर्चित अभिनेत्री स्वस्तिमा खड्का नौलो पहिरनमा देखिएकी छिन् । उनी फिल्म चिसो मान्छे मा अहिलेसम्मकै फरक अवतारमा देखिदैछिन् । फिल्म बुलबुल पनि नौलो अवतारमा देखिएर उनी चर्चामा आएकी थिइन् ।
उक्त फिल्ममा उनको भूमिका निके रुचाइएको थियो । फिल्म चिसो मान्छे मा पनि उनले दर्शकलाई फरक अनुभूति गराउने देखिन्छ । उनी फिल्ममा बाजुराको एक अति विपन्न महिलाको भूमिकामा देखिदैछिन् ।
तास्बिरमा हेर्दा स्वस्तिमालाई फाटेको गुन्यू चोली, नाकमा बुलाकी, निधारमा रातो टीका, गलामा पहेँलो पोते लगाएको देखिएको छ ।
दीपेन्द्र के। खनालको निर्देशन, कथा, पटकथा, संवाद र छायांकन रहेका यस फिल्म आउँदो असार ३ गतेबाट प्रदर्शनमा आउने भएको छ ।
फिल्ममा स्वस्तिमासँगै अर्पण थापा, देशभक्त खनाल, आशान्त शर्मा, झकेन बीसी लगायतका कलाकारहरुको अभिनय रहेको छ ।
