काठमाडौं । भारतमा पछिल्लो समय कोरोनाभाइरसको संक्रमणदर घटिरहेको छ भने मृत्यु दर बढ्न थालेको छ । पछिल्लो २४ घण्टामा ५५ हजार ९ सय ८८ जनामा कोरोना संक्रमण देखिएको छ । यसअघि ६५ हजार १ सय ४६ जना कोरोना संक्रिमत थपिएका थिए ।
हालसम्म कोरोना संक्रमितको कुल संख्या ४ करोड २५ लाख ३४ हजार ४८ पुगेको छ । पछिल्लो २४ घण्टामा ६ सय ५९ संक्रमितले ज्यान गुमाएका छन् । हालसम्म भारतमा कोरोना संक्रमणबाट ज्यान गुमाउनेको संख्या ५ लाख ७ हजार २ सय ८ जना पुगेको छ ।
यस्तै पछिल्लो २४ घण्टामा १ लाख ३९ हजार ३ सय ८३ जना निको भएका छन् । भारतमा हालसम्म कोरोनासंक्रमणबाट मुक्त हुनेको संख्या ४ करोड १३ लाख २० हजार १ सय ३४ पुगेको छ ।
प्रकाशित मिति: बिहीबार, मंसिर ८, २०७९ ०४:२९
प्रतिक्रिया दिनुहोस्
