काठमाडौं  - अभिनेता खगेन्द्र लामिछाने अभिनित फिल्म 'डमरुको डन्डिबियो' युट्युबमा सार्वजनिक भएको छ । चेतन गुरुङले निर्देशन गरेको यस फिल्म शुक्रबार युट्युबमा सार्वजनिक भएको हो । 

फिल्म खेलसँग सम्बन्धित र पारिवारिक ड्रामाले भरिएको छ । फिल्म टलकजंग भर्सेस टुल्के बाट चर्चामा आएका खगेन्द्रको हरेक फिल्म दर्शकले रमाइलो मानेर हेर्ने गर्छन् । 

उनको बोल्ने शैली र अभिनय नै दर्शकले रुचाएका छन् । फिल्ममा खगेन्द्रसहित मेनुका प्रधान, बुद्धि तामाङ, लक्ष्मी बर्देवा र अशान्त शर्मा लगायतका कलाकारको अभिनय रहेको छ ।