काठमाडौं - नेपाली चलचित्र क्षेत्रका चर्चित अभिनेता राजेश हमाल र अभिनेत्री निरुता सिंहबीच लामोसमयपछि भेट भएको छ । उनीहरुले १२ वर्षपछि एकसाथ काम गर्ने मौका पनि पाएका छन् । आइतबार सार्वजनिक गीत हजुर मुसुक्कै मा राजेश र निरुताले काम गरेका छन् । गीत प्रेमको कथामा आधारित छ । 

आइतबार गीतको प्रिमियरमा राजेह, निरुता, सुरवीर, प्रियना, प्रिन्स लगायतका कलाकारहरु सहभागी भएका थिए । कार्यक्रममा राजेशले निरुता र आफूले एकसाथ काम नगरेको १२ वर्ष भएको भन्दै कहाँ जालिस् मछली मेरै ढडिया जस्तो भएको बताए । 

यस गीतमा कृष्ण बिक र रचना रिमालको स्वर रहेको छ । गीतमा सुरेस अधिकारीको शब्द संगित रहेको छ । जीबीको निर्देशनमा बनेको यस भिडियोमा राजेश, निरुता, प्रियना लगायतका कलाकारको अभिनय रहेको छ ।