काठमाडौं । चलचित्र 'लप्पन छप्पन–२' को ट्रेलर सार्वजनिक भएको छ । मुकुन्द भट्टको निर्देशनमा बनेको यस फिल्मको ट्रेलर बुधबार युट्युबमा सार्वजनिक भएको हो ।
एक्सन जनरामा निर्माण भएको यस फिल्मको ट्रेलरमा अभिनेता सौगात मल्ल, शिव श्रेष्ठ, अर्पण थापा, अनुपविक्रम शाही लगायतका कलाकार देखिएका छन् ।
फिल्मका मूख्य कलाकारहरु फरक अवतारमा देखिएका छन् । यस फिल्मको पटकथा तथा संवाद सुनिल नेउरेको रहेको छ । फिल्मको निर्मातामा चिजकुमार श्रेष्ठ, प्रकाश कुँवर, निर्मल कुमार मिश्र र सन्तोष चन्द्र भक्रेल रहेका छन् । फिल्म आगामी महाशिवरात्री अर्थात फागुन १३ गते प्रदर्शनमा आउने भनिए फागुन २० गतेका लागि सरेको छ ।
फिल्ममा शिव श्रेष्ठ, अर्पण थापा, अनुपविक्रम शाही, सौगात मल्ल, शक्ति श्रेष्ठ, शक्ति श्रेष्ठ, प्रकाश कुँवर, स्व। दीपक क्षेत्री, सरिता गिरी, एञ्जल श्रेष्ठ लगायतका कलाकारको अभिनय रहेको छ ।
