काठमाडौँ - नेपाल धितोपत्र बोर्डको अध्यक्षमा नियुक्त भएका रमेशकुमार हमालले पदभार ग्रहण गरेका छन् । शुक्रबार अध्यक्ष हमाललाई अर्थमन्त्री जनार्दन शर्माले पदभार ग्रहण गराएका हुन् ।
पदभार ग्रहण गराउने क्रममा अर्थमन्त्री शर्माले पुँजी बजार सुधारका लागि स्वतन्त्र भएर काम गर्न अध्यक्ष हमाललाई आग्रह गरे । शर्माले पुँजी बजारको सुधारका लागि धेरै काम गर्न बाँकी काम रहेको स्मरण गराएका थिए ।
बिहीबार बसेको मन्त्रिपरिषद् बैठकले हमाललाई धितोपत्र बोर्डको अध्यक्षमा नियुक्त गरेको थियो । राष्ट्रिय योजना आयोगका उपाध्यक्ष डाक्टर विश्वनाथ पौडेलको संयोजकत्वमा गठित छनोट समितिले कृष्णराज पोखरेल, डाक्टर गोपाल भट्ट र रमेशकुमार हमालको नाम सिफारिस गरे पनि सरकारले हमाललाई अध्यक्षमा नियुक्त गरेको होे ।
प्रकाशित मिति: बुधबार, मंसिर ७, २०७९ १४:५६
प्रतिक्रिया दिनुहोस्
