काठमाडौं - प्रधानमन्त्री शेरबहादुर देउवाले आइसिसी टी–२० विश्वकप क्रिकेट छनोटमा नेपाल सेमिफाइनलमा प्रवेश गरेकोमा नेपाली क्रिकेट टोलीलाई बधाई दिएका छन् । सोमबार प्रधानमन्त्री देउवाले सामाजिक सञ्जालमार्फत क्रिकेट टोलीलाई बधाई दिएका हुन् । 

ओमानमा जारी टी–२० विश्वकप क्रिकेट छनोट खेलमा नेपालले क्यानडालाई पराजित गर्दै सेमिफाइनलमा प्रवेश गरेको हो । 

प्रधानमन्त्री देउवाले बधाई दिदै भनेका छन् - 'क्यानडाविरुद्ध जित निकाल्दै 'टि२० विश्वकप ग्लोबल छनोट'को सेमिफाइनल प्रवेश गर्न सफल नेपाली राष्ट्रिय क्रिकेट टिमलाई हार्दिक बधाई।'

'भोलि हुने सेमिफाइनलमा पनि विजयी हुँदै नेपाललाई विश्वकपमा छनोट गराउन सफल हुनुहुनेछ भन्ने शुभेच्छा सहित सम्पूर्ण टिमलाई शुभकामना व्यक्त गर्दछु।'