काठमाडौं - एक गायिकाले अभिनेता पल शाहले आँफुलाई पीडित बनाएको गुनासो पोखेकी छिन् । केही दिनअघि आफूहरु मिल्ने साथि मात्र भएको बताएकी गायिकाको एक अडियो बाहिरिएको छ । 

सार्वजनिक भएको अडियोमा गायिकाले पलसँगको शुरुवाती भेट, प्रेमदेखि अहिलेसम्म भएका सबै कुराहरु खोलेकी छिन् । 

उनले पोखरामा म्युजिक भिडियो सुटिङमा आफूलाई निर्माण युनिटले लैजानु पलकै योजनामा भएको आफूले थाहा पाउाके पनि बताएकी छिन् । केही समयअघि गायिकाले पलसँगको सबै कुरा एक दिन खोल्ने भन्दै सामाजिक सञ्जालमा स्टाटस लेखेकी थिइन् । 

तर हालै एक अन्तवार्तामा उनले पलसँग आफ्नो केही सम्बन्ध नरहेको मात्र साथि रहेको बताइन् । यी दुई कुराले गायिका अफ्ठ्यारोमा परेको देखिन्छ । पल भने यस बिषयमा अहिले चुप छन् । 

मंगलबार पल शाहको जन्मदिन परेको छ । जन्मदिनकै दिन गायिकाले गरेको खुलासाको अडियो बाहिरिएपछि पल अहिले तनावमा छन् ।