काठमाडौं - बरिष्ठ लोकगायक तथा कलाकार जयनन्द लामाको निधन भएको छ । उनको गएराति भक्तपुरको कौशलटारमा रहेको आफ्नै घर अगाडि गाडिबाट ओर्लिने क्रममा लडेर निधन भएको बताइएको छ ।

मंगलबार एक कार्यक्रमबाट घर फर्किने बेलामा उनी गाडीबाट लडेका हुन् । सिन्धुपाल्चोक बाह्रविसे नगरपालिका– २ धार्पामा जन्मिएका उनले धेरै मौलिक लोकगीत गाएका थिए । कलाकार लामा 'हल्का रमाइलो' हाँस्य टेलिशृङ्खलामा अभिनय गर्दै आइरहेका थिए । 

हल्का रमाइलोका निर्देशन चर्चित हास्यकलाकार मरिचमान श्रेष्ठ बल्छी ध्रुबेले पनि कलाकार लामाको निधनमा दुख व्यक्त गरेका छन् । उनले भनेका छन् - 'जिन्दगी के नै रैछ र दाई...स्वोर्गमा बास होस् दाई'

यस्तै हालै लामा करिब दुई दशकपछि नयाँ मौलिक लोक गीत महाभार लेकको जंगलमा याला मार्फत दर्शक तथा स्रोतामाझ आएका थिए ।