काठमाडौं - बरिष्ठ लोकगायक तथा कलाकार जयनन्द लामाको शव अन्तिम श्रद्धाञ्जलीका लागि राष्ट्रिय नाचघर जमलमा राखिने भएको छ ।
गएराति भक्तपुरको कौशलटारमा रहेको आफ्नै घर अगाडि गाडिबाट ओर्लिने क्रममा लडेर निधन भएका लामाको शव श्रद्धाञ्जलीका लागि बिहिबार बिहान १० बजेदेखि १२ बजेसम्म नाचघरमा राखिने भएको हो ।
मंगलबार एक कार्यक्रमबाट घर फर्किने बेलामा लामा गाडीबाट लडेका थिए । सिन्धुपाल्चोक बाह्रविसे नगरपालिका– २ धार्पामा जन्मिएका उनले धेरै मौलिक लोकगीत गाएका थिए । कलाकार लामा 'हल्का रमाइलो' हाँस्य टेलिशृङ्खलामा अभिनय गर्दै आइरहेका थिए ।
प्रकाशित मिति: बुधबार, मंसिर ७, २०७९ १८:४१
प्रतिक्रिया दिनुहोस्
