काठमाडौं - एक गायिकाले अभिनेता पल शाहविरुद्ध तनहुँमा किटानी जाहेरी दिएकी छन् । पलविरुद्ध जबरजस्ती करणीसम्बन्धी कसूरमा बुधबार गायिका समीक्षाले किटानी जाहेरी दर्ता गराएकी हुन् ।
गायिकाले किटानी जाहेरी दिएपछि पललाई प्रहरीले पक्राउको तयारी गरेको छ । यदि बलात्कारको आरोप पुष्टि भएमा पललाई १० देखि १२ वर्षसम्म जेल सजाय हुन सक्नेछ ।
मुलुकी अपराध संहिताको दफा २१९ अनुसार १८ वर्षभन्दा कम उमेरकी बालिकासँग सहमतिमा यौन सम्बन्ध राखे पनि जबरजस्ती करणी मानिने र १० देखि १२ वर्षसम्म जेल सजाय हुन सक्नेछ ।
गायिकाले उजुरीमा एउटा म्यूजिक भिडियोको सुटिङका क्रममा तनहुँ गएका बेला शाहले फकाएर आफूमाथि करणी गरेको बताएकी छिन् ।
प्रकाशित मिति: बिहीबार, मंसिर ८, २०७९ ०३:५६
प्रतिक्रिया दिनुहोस्
