काठमाडौं - यौन दुराचारको आरोप लागेका अभिनेता पल शाहले आइतबार प्रहरीसामु उपस्थित हुने भएका छन् । आइतबार सामाजिक सञ्जालमार्फत पलले आफू हाज प्रहरीसामु उपस्थित हुने बताएका हुन् । 

एक नाबालिग गायिकाले आफूमाथि यौन दुर्व्य-वहार भएको भन्दै तनहुँ प्रहरीमा उजुरी दिएपछि प्रहरीको फरार सूचीमा रहेका अभिनेता शाहले कानुनलाई सम्मान गर्दै आइतबार प्रहरीसामु उपस्थित हुने बताएका हुन् ।

उनले लेका छन् - 'नमस्कार सबैमा ,मेरो आफ्नो स्वास्थ्य स्थिती बिग्रीएको हुनाले साथै घरको सबै घर व्यवहार मिलाउनु परेकाले र मेरो फिल्म "म यस्तो गित गाउछु २" गत शुक्रबार देखी नेपाल भर प्रदर्शन भएका कारण फिल्मलाई असर नपरोस भनि म प्रहरि सामु उपस्थित हुन नसकेकोमा माफी माग्न चाहन्छु । नेपालको कानुनलाई सम्मान गर्दै आज (आइतबार ) नेपाल प्रहरि सामु म आफै उपस्थित हुने जानकारी सम्पूर्णमा दिन चाहन्छु धन्यबाद'
 
पलल प्रहरीसामु उपस्थित हुने भएपछि अभिनेत्री पूजा शर्माले सत्यको जित अवश्य हुने बताएकी छिन् । उनले पलको स्टाटस शेयर गर्दै लेखेकी छिन् - 'सम्मान छ हाम्रो रियल हिरो लाई!!!सत्यको जित अवश्य हुनेछ॥ '