काठडमाडौं – कोरोनाका कारण सिथिल चलचित्र उद्योग चलायमान हुन थालेको छ । चलचित्रहरु प्रदर्शन हुन् थालेका छन् । रोकिएका चलचित्रहरुले पनि धमाधम आफ्नो प्रदर्शन मिती तय गरि सकेका छन् । चलचित्र हेर्न हलमा आउने दर्शकको संख्या पनि उल्लेख्य नै देखिन थालेको छ । तर, अझै अपेक्षाकृत छैन ।

खासगरि यतिबेला स्टार कलाकारका चलचित्र प्रदर्शनका लागि वितरक र हलवालाले सक्दो जोड दिइरहेका छन् । त्यसो त बिदेशीचलचित्रको डरले गर्दा अझै पनि ठुला भनिएका कतिपय चलचित्रले प्रदर्शन मिती तय गर्न सकेका छैनन् । यस्तोमा धेरैले प्रतिक्षा गरिरहेका छन् केही स्टारका चलचित्रहरु ।

त्यसो त लकडाउन पछि दर्शक हलमा फर्काउन प्रदिप खड्का, अनमोल केसी, दिपकराज गिरीलगायत कै चलचित्र चलाउन पर्छ भन्ने कुरा नसुनिएको पनि हैन । बिगतका वर्षहरुमा यिनै स्टार कलाकारका चलचित्रले राम्रो व्यापार गरेका कारण धेरैले यस्तो आशय प्रकट गर्नु स्वभाविक थियो । उनीहरु अभिनित चलचित्रले प्रदर्शन मिति तय नगरेका पनि होइनन् । हुन त दिपकराजगिरी अभिनित कुनैपनि चलचित्र प्रदर्शनका लागि बाँकी छैन । यसअर्थ कुरा प्रदिप र अनमोलकै हो ।

२०७५ चैत्र २२माप्रदर्शन भएको चलचित्र लभ स्टेशन पछि प्रदिप अभिनित कुनैपनि चलचित्र प्रदर्शन भएका छैनन् । अनमोलको कुरा पनि उस्तै हो । २०७५ चैत्र २९ मा रिलिज भएको चलचित्र ए मेरो हजुर ३ पछि अनमोलका चलचित्रपनि रिलिज भएका छैनन् । सायद कोरानाको महामारी नभएको भए यो बिचमा यि दुबैका अन्य चलचित्रहरु प्रदर्शन भइसक्थे । यद्यपी अनमोल अभिनित चलचित्र ए मेरो हजुर ४ भने आगामी बैशाख १ गतेबाट प्रदर्शन हुँदैछ । तर, प्रदिपको चलचित्र कहिले रिलिज हुने अझै टुङ्गो  लागिसकेको छैन ।

त्यसो त प्रदिप अभिनित चलचित्र प्रेम गीत ३ ले प्रदर्शन मिति तय नगरेको होइन । यो चलचित्रले पहिलो पटक २०७६ चैत्र २८ र दोस्रो पटक २०७८ फागुन १३ गते प्रदर्शन मिति तय गरेको थियो । तर, दुबै पटक कोरोना महामारीका कारण प्रदर्शन हुन सकेन ।

पहिलो लकडाउन पछि प्रदिपले अर्को चलचित्रमा काम गरे । उनले काम गरेको चलचित्र प्रकाश पनि प्रदर्शनको तयारीमा छ । सायद तेस्रो चरणको कोरोनाको महामारी नआएको भए आउने बैशाखमा प्रकाश प्रदर्शन हुने थियो । यतिबेला यो चलचित्रको पनि प्रदर्शन मिति तय हुन सकेको छैन ।

ए मेरो हजुर र प्रेम गीतबक्स अफिसमा हिट सिरिजका रुपमा दर्ज छन् । यसअर्थ यि चलचित्रले अपेक्षाकृत रुपमा हलमा दर्शक फर्काउन सक्ने आंकलन गरिएको छ । दर्शकले जती रुचाएपनि यि दुबै कलाकारलाई लाग्ने एउटै आरोप भनेको फितलो अभिनय हो । प्रदिपले प्रकाशबाट त्यसको जवाफ दिन्छन् भन्ने धेरैको अपेक्षा छ । तर, उनकोचलचित्र रिलिजहुने पो कहिले हो ?