सौगात मल्ल र सृष्टि श्रेष्ठको मुख्य भुमिका रहेको चलचित्र ‘द सिक्रेट अफ राधा’को प्रदर्शन मिति घोषणा गरिएको छ । सुवर्ण थापा निर्देशित यो चलचित्र आगामी वर्षको भाद्र २४ गतेबाट देशभर प्रर्दशन हुनेछ ।
चलचित्रको प्रदर्शन मिति सँगै क्यारेक्टर पोष्टर पनि सार्वजनिक गरिएको छ । क्यारेक्टर पोष्टरमा सृष्टि श्रेष्ठलाई मात्र फिचर गरिएको छ ।
दोस्रो लकडाउन अघि पालुङ आसपासमा छायांकन गरिएको चलचित्रमा सौगात र सृष्टिका अलवा खगेन्द्र लामिछाने, मेनुका प्रधान, पशुपति राई, दिव्य देव पन्त, पुस्कर गुरुङलगायत कलाकारको अभिनय छ । यस्तै दयाहाङ राई र निश्चल बस्नेत विशेष भूमिकामा देखिनेछन् ।
निर्देशक थापा र अभिनेता मल्लले संयुक्त रुपमा निर्माण गरेको यो चलचित्र आदियोगी भिजन, मन्डला अनलाइन, महारानी इन्टरटेन्मेन्ट र महा प्रोडक्सनको ब्यानरमा निर्माण भएको हो । चलचित्रमा नरेन्द्र मैनालीको छायांकन र कालीप्रसाद बाँस्कोटा संगीत रहेको छ ।
