चलचित्र ‘कबड्डी ४’ को प्रदर्शन मिति झण्डै एक महिना पछि धकेलिएको छ । पूर्व निर्धारित मिति बैशाख २३ गते स्थानिय तहको निर्वाचनका कारण चलचित्रको प्रदर्शनमा बाधा हुन सक्ने भएकोले प्रदर्शन मिति पछि सारिएको बुझिएको छ । अब यो चलचित्र जेष्ठ १३ गतेबाट प्रदर्शन हुनेछ ।
रामबाबु गुरुङ निर्देशित चलचित्रलाई कबड्डी सिक्वेलको फाइनल म्याच भनिएको छ । चलचित्रमा दयाहाङ राई, सौगात मल्ल, मिरुना मगर, गौमाया गुरुङ, बुद्धि तामाङ, विजय बराल, कमलमणि नेपाल, पुष्कर गुरुङ, कविता आले, स्व. जयनन्द लामा, प्रकाश घिमिरे, माओत्से गुरुङ, शरद अधिकारी लगायतका कलाकारको अभिनय छ ।
बाँसुरी फिल्मस्को प्रस्तुतिमा तयार भएको चलचित्रमा शैलेन्द्र डी कार्कीको छायांकन, निमेष श्रेष्ठको सम्पादन, कालीप्रसाद बाँस्कोटा, एसडी योगी, अनुपम शर्माको संगीत, रामबाबु गुरुङ र उपेन्द्र सुब्बाको लेखन छ ।
चलचित्रलाई विशाल गुरुङ, सुष्मा गुरुङ, मधु मिजार र मणिराम पोखरेलले निर्माण गरेका हुन् ।
